Despois de 7 meses baixo a fórmula de xestión de Área Integrada, as
consecuencias da mesma aínda son peores das vaticinadas pola Plataforma en
defensa da Sanidade Pública da área do Barco, posto que estes cambios estanse a
producir na parte máis negativa, máis rápido do esperado.
Uns exemplos:
No HCV neste momento temos un xinecólogo e un internista menos traballando,
sendo este último un servizo que polo
envellecemento da poboación é básico na nosa área, levamos ademais varias
semanas por primeira vez na historia do hospital sen hematólogo, agora lévase
telemáticamente desde o servizo de hematoloxia de Ourense, parece que a esta
administración impórtalle ben pouco o que poida pasar en caso de urxencia(transfusión
de sangue ou problema relacionado co sangue) que requerise a presenza dun
hematólogo.
Por outra banda un Concello coa dispersión que ten o da Veiga queda cun
solo médico, preguntámonos que vai pasar en caso de urxencia se o facultativo
está nun domicilio.
As listas de espera en rehabilitación, traumatoloxía, oncoloxía e mais
servizos, aumentan de forma alarmante ao igual que as listas de paro do persoal
que a Xunta condena ao desemprego causando estragos na calidade asistencial. O
servizo de traumatoloxía mostra ás claras a filosofía da Xerencia, por un lado
non cobren unha praza de traumatólogo que hai en plantilla, e por outro fan
innumerables horas extras sen remediar que as listas de espera sigan aumentando
día tras día (é curioso que este sexa o único servizo que as faga sendo o xefe
deste servizo o marido da Xerente).
Que bonitas eran aquelas palabras que nos falaban de reordenar recursos e
que mellorariamos co novo modelo de xestión integrada, que teriamos mais
especialidades, mais inversión; inversión?? Aínda estamos á espera do TAC
prometido xa hai 2 anos e que cando preguntamos por el sempre din que está a
punto de chegar, pero o TAC non da chegado.
Nenhum comentário:
Postar um comentário