A Sanidade é cousa de tod@s. 4.000 VECES GRAZAS!
14.12.11
As entradas do senRecortes Rock saen á venda
Esta iniciativa da Plataforma fará coincidir nun mesmo concerto, ós grupos máis solidarios da Área Sanitaria do oriente ourensán. Sen Saída, Placeres Solitarios, Navegando a Barlovento, Trasnochando e Os Cuchufellos comporán o cartel deste acto reivindicativo.
Xá están á venda as entradas solidarias para o concerto senRecortes Rock. As entradas do concerto poranse á venda a un prezo de 8 € (anticipada) e 10 € na billetería, e poderánselle mercar a calquera dos/as integrantes da Plataforma, reservalas por Facebook e Twitter, enviando un comentario a este blog ou en puntos de venda como O Moucho en Ourense, A Maltería ou Ton y Son no Barco, os bares 4Camiños na Rúa ou O Cafeto en Trives e na panadería O Chusco en Viana.
A nova xa corre a nova polas redes sociais (en twitter coas hashtags #senRecortesRock e #somosunhaarea), e na rúa está en boca de tod@s.
Coa entrada sortearanse camisetas e unha “Viaxe Sanitaria” que consistirá nunha viaxe a Ourense en tren rexional para dúas persoas e estancia en hostal de unha estrela na capital, pois habémolo precisar a vindeira vez que vaiamos ao médico e vexamos que xa se desmantelou por completo o noso hospital.
A pesares de ter organizada a seguridade no concerto e contratado o seguro necesario para este tipo de eventos, a organización adianta xa unha cláusula retranqueira que aceptarán os asistentes ao senRecortes Rock e é que “a Plataforma non se responsabilizará dos posíbeis danos que poidan suceder no desenvolvemento do concerto, xa que daquela poida que a sanidade non sexa gratuíta”.
Etiquetas:
area,
concerto,
Consellería de Sanidade,
Feijoo,
O Barco,
plataforma,
plataforma sanitaria,
publica,
recortes,
rock,
sen,
senRecortes,
somos,
somos unha área,
Valdeorras,
Xunta
Assinar:
Postar comentários (Atom)
Nenhum comentário:
Postar um comentário